Sto frienno ‘e zeppole, ‘e struffole,
e ‘o miele l’aggio già appriparato
‘e nucelle stanno int’ ‘o forno
‘o capitone, ca finalmente è muorto,
aspetta sulo d’essere fritto co baccalà.
Comme allucca ‘a gente
dint’o vic abbasce
Buon Natale cumpà, auguri a vuie.
Stanotte nasce ‘o Bambino, sparate ‘e botte.
Datece ‘a ‘nferta, accattateve ‘a figurina.
È buono ‘o baccalà, a frittura ‘e pesce.
Noci ‘e Surriento, fiche d’o Cilento.
Accattateve ‘o capitone,
‘e taralle co pepe e ca nzogna.
Nn vuttate signò, nun ghiate ‘e presse.
E se sente mmiez’a folla sunà na zampogna.
Comme so felice pe’ stu Natale,
che pace int’a sta casa
e dint’a stanema ch’è sempe nquieta.
Chist’è nu juorno che nun avesse mai fernì!
Autore anonimo