A mamma è n’ata cosa,
l’asse da casa
‘o sciato, l’armunia,
è chella ca cummanna a cumpagnia,
sta ncoppo ‘o capo e casa
è nu cappiello
attuorno tene sempe nu ruciello
abbada a mille cose, fa ‘a Maria
e si nun pena pe na malatia
va scianno sempe l’ago co ruciello.
A chi nu guardo a chi na cera storta,
a chi nu vaso a chi n’avvertemiento
e se capisce ‘a mamma quann’è morta
quanno nun ce sta cchiù sta scucciatona,
ca pare ca t’accire ogni mumiento
e doppo nu minuto te perdona
di Raffaele Viviani